炸芒果糯米糍热爆小岛! 长洲3大新美食

2020-07-22    收藏593
点击次数:487

係人都知长洲係搵食专家嘅宝岛,之前介绍过好多巨型美食,最出名就係大鱼蛋、大鸡髀、巨型芒果糯米糍,相信你哋都食过哂,out啦!听讲长洲又有新嘢食,真係创意无限,想扫街有芝士红豆饼、炸芒果糯米糍(简称进化了的芒果糯米糍),想坐定定食都有新开泰国菜可以拣,係时候又要入去「食沉长洲」啦!

芝士红豆饼‬($10)

炸芒果糯米糍热爆小岛! 长洲3大新美食

炸芒果糯米糍热爆小岛! 长洲3大新美食

鬆饼食得附,红豆饼就更加食得多,不如试吓再加啲芝士,两块芝士夹住红豆馅,完全想像唔到又鹹又甜嘅味道,都几得意。

‪故乡俱乐部‬

地址:长洲教堂路17号地下

电话:2981 5038

营业时间:13:00-22:00

炸芒果糯米糍‬($18)

炸芒果糯米糍热爆小岛! 长洲3大新美食

炸芒果糯米糍热爆小岛! 长洲3大新美食

次次入长洲都一定要食芒果糯米糍,近期卖到出市区都有得食!今次搞搞新意思,试吓炸芒果糯米糍!当然唔少得仲有炸榴槤糯米糍可以拣啦。呢个炸糯米糍卖点仍然係大嚿,咬落啖啖肉,口感唔同炸雪糕,可以一试。

海傍美食店‬

地址:长洲海傍路30号地下

电话:2981 9638

营业时间:07:00-14:00

图片提供:Poortravellers穷游

Facebook

长洲仲有一间新开嘅泰国餐厅-「青流」。哗!净係听个名都知特别,feel到好大鼓文青味。原来餐厅係由3位热爱泰国美食及文化嘅90后长洲原居民开嘅,将泰国嘅街头小食同年轻潮流带入长洲。泰国菜必食嘅海南鸡饭、芒果糯米饭一定走唔甩,仲有其他特色菜式同饮品,包你未食过。餐厅装潢又靓,打卡呃like是常识吧!唔讲咁多,睇吓有乜食先!

炸芒果糯米糍热爆小岛! 长洲3大新美食
手撕海南鸡饭 $30

手撕海南鸡无骨,方便易食,必配油饭同辣椒酱,仲送胡椒冬瓜汤,大满足!

炸芒果糯米糍热爆小岛! 长洲3大新美食
Pad Thai $28

Pad Thai有唔少配菜,旁边有砂糖同辣椒粉,要全部搅匀先食得。鹹、酸、甜味都有齐,配埋花生碎同炒蛋,味觉同口感一级享受。

炸芒果糯米糍热爆小岛! 长洲3大新美食
芒果糯米饭 $25

食泰国菜点少得芒果糯米饭?芒果够厚够甜,糯米饭渗入椰汁,好浓好香,正!

炸芒果糯米糍热爆小岛! 长洲3大新美食
芒果煎糯米饭 $32

除咗芒果糯米饭之外,仲有煎糯米饭。外脆内软,加埋椰浆同烘椰丝,好fresh!

炸芒果糯米糍热爆小岛! 长洲3大新美食
Banana Roti $20

Banana Roti係泰国嘅街头小吃,烤饼皮配上新鲜香蕉,加上朱古力酱同炼奶,係必食嘅饭后甜品。

食完饭要饮茶消滞,餐厅有唔少特色饮品可以拣,最重要係啲壶同杯都好靓,有啲银杯仲好有泰国风,睇得出店主好有心思,喺度叹杯茶都觉得自己好elgant!

炸芒果糯米糍热爆小岛! 长洲3大新美食
龙情蜜意 $22

呢杯龙眼蜜有补心脾、益气血等功效。

炸芒果糯米糍热爆小岛! 长洲3大新美食
柠檬蜜糖梳打
炸芒果糯米糍热爆小岛! 长洲3大新美食
热茶

其他不同特色饮品,如柠檬蜜糖梳打同热茶,冬天饮就啱哂。

炸芒果糯米糍热爆小岛! 长洲3大新美食

炸芒果糯米糍热爆小岛! 长洲3大新美食

其实餐厅内仲有卖饰物,夏威夷衬恤,餐具等,全部都係店主亲自到泰国採购,有置身于泰国夜市嘅感觉。

 

食咗咁耐!有一点要同大家时光倒流…回带!从门外看看,吓?食得㗎?餐厅嚟架咩?入到去呆咗,完全睇唔出係间餐厅,唔讲以为係间艺术馆或者手作店,点知係食嘅!食饱仲可以行吓shopping,真係估佢唔到!

入面嘅装潢实在太特别,墙上挂住好多复古画、唱片封面,又蓝又绿,有啲复古style,点解咁靓㗎?净係影相都有排影呀!Post上Facebook一定好多like!

炸芒果糯米糍热爆小岛! 长洲3大新美食

炸芒果糯米糍热爆小岛! 长洲3大新美食

玻璃木门上面喷咗啲字,好似graffitti咁,有种随意街头风。

炸芒果糯米糍热爆小岛! 长洲3大新美食

青流

地址:长洲金银湾金豪阁10号地下

电话:5440 0449

营业时间:12:00-20:30;逢星期三休息

相关文章  RELEVANT ARTICLES